«Սերտիֆիկացում և Որակ» ՍՊԸ արտադրանքի սերտիֆիկացման մարմինն առաջարկում է Սննդամթերքի Անվտանգության Կառավարման Համակարգերի խորհրդատվություն, ներդրում և աուդիտ՝  համաձայն միջազգային ԻՍՕ 22000:2018  ստանդարտի:

ԻՍՕ 22000 (ՀԱՍՍՊ) համակարգի ներդրումն ապահովում է սննդամթերքի անվտանգ արտադրությունը և աջակցում ընկերության զարգացմանը:

Այն նախատեսված է այն կազմակերպությունների համար, որոնք ձգտում են ստեղծել առավել կենտրոնացված, համաձայնեցված և միասնական Սննդամթերքի Անվտանգության Կառավարման Համակարգ:

ԻՍՕ 22000 ստանդարտը սահմանում է Սննդամթերքի Անվտանգության  Կառավարման Համակարգին ներկայացվող պահանջները, որոնք ապահովում են սննդամթերքի անվտանգությունը սննդի շղթայի բոլոր փուլերում՝ ներառյալ վերջնական սպառում:

Սույն ստանդարտի նպատակն է  համակարգել սննդի շղթայում ընդգրկված կազմակերպությունների աշխատանքները՝ միջազգային պահանջներին համապատասխան: